Назарбаев университетіне 10 жыл толды

Назарбаев университетіне 10 жыл. Атаулы датаға орай білім ордасының ұжымы мен тәлімгерлерін Елбасы Нұрсұлтан Назарбаев құттықтады. 2010 жылы есігін ашқан университетті осы уақытқа дейін 5 мың түлек тәмәмдап, еліміздің түкпір-түкпірінде табысты еңбек етіп жүр. Елбасы олардың жұмысына сәттілік тілеп, алдыңғы қатарлы оқу ордасының қабырғасынан әлі талай мықты ғалымдардың шығатынына сенім білдірді.

Сондай-ақ Елбасы білімді жастарды қолдау үшін барлық жағдай жасалып жатқанын жеткізді. Өйткені елдің болашағы дарынды қыз-жігіттердің қолында деді Назарбаев. Сол үшін елімізде жас ғалымдарды қаржылай қолдайтын венчурлық қорлар көбеймек. Әрі стартапшыларға идеясын іске асыру үшін арнайы зертханалар саны артады.

Досжан МАРАТҰЛЫ