Сот үкім шығару үшін бөлек бөлмеге бармайды

Сенат қазақстандық судьялардың өкілеттігін кеңейтуді көздейтін заңды екі оқылымда да қабылдап, Президенттің қол қоюына жіберді. Енді судьялардың іске қатысты дәйек-деректерге қол жеткізуге мүмкіндіктері болмақ.

Соттың әділ шешімі судьяларға тікелей байланысты. Қазіргі кодекс бойынша, судьяға талап-арыз аясынан шығуға тыйым салынған. Яғни, тараптар нені талап етсе, тек соны қарап, сол бойынша шешім қабылдайды. Ал өз бетінше басқа мән-жайларды анықтап, өзге дәлелдерді іздеуге еш құқығы жоқ.

Яғни, әділ шешім қабылдау үшін судья дауды жан-жақты, бүге-шігесіне дейін түсініп алуы қажет. Судья процессуалды жағынан еркін болуы тиіс деген сөз.

Сондай-ақ, ендігіәрі сот шешім шығарарда жалғыз өзі кеңсе бөлмесіне кетпейтін болады. Үкімді бірден сол отырыс залында шығарады. Бұл мәселенің көтерілуі - сот жүйесіне қатысып отырған адамдардың күдігі мен наразылығынан туындаған. Ал жаңа өзгеріс – әділдік пен ашықтық мақсатында жасалып отырған шара.

Фариза МҰСАҚЫЗЫ