Шығыс Қазақстанда ұзақ уақыт мал ұрлығымен айналысқандар ұсталды

Шығыс Қазақстан облысында біреудің малын атып алған ұрылар ұсталды. Олар Аягөз ауданынан Жарма ауданына келе жатып жол бойында жүрген жылқылардың бірін атып өлтірген. Кейін бірден көлігінің жүк салғышына тиеп алып, тайып тұрған.

Бірақ көп ұзамай полиция қызметкерлерінің қолына түсті. 25 және 42 жастағы ұрылардың көлігінен тіркелмеген мылтық, патрондар, балта және пышақтар табылған. Жарма ауданының 2 тұрғынының Семейдегі және Бесқарағай мен Аягөз ауданының аумағындағы мал ұрлықтарына да қатысы бар екені анықталды. Мал иелеріне келтірілген шығынның жалпы сомасы 4 миллион теңгеден астам. Тергеу жүріп жатыр.

Берік КӨШЕРБАЙ