Интернет арқылы жасалатын алаяқтық фактілерінің 60 пайызы ашылмай тұр

Елордада интернет арқылы жасалатын алаяқтық фактілерінің 60 пайызы ашылмай тұр. Бұл туралы қалалық полиция департаменті айтты.

Мәселен, биылғы 4 айда 1161 іс тіркелген. Бұл былтырғымен салыстырғанда 23 пайызға аз. Алайда, осы қылмыс түрі жыл сайын күрделеніп келеді. Кей оқиғаларға күдікті азаматтарды ел аумағында емес, ТМД кеңістігінен іздеуге тура келеді,- дейді мамандар. Өйткені, әлеуметтік желіде бәрі ашық. Халық жарнама, тауарлар мен қызметтерді көп қарайды. Алаяқтар осы жағдайды ұтымды пайдаланады.

Амангелді СЕЙІТХАН