Жаңалықтарды Telegram арнамыздан оқыңыз!Ақтөбеде өндіріс орнында жарақат алған екі жұмысшы ауыр халде жатыр. Дәрігерлер олардың бірінің денесінің 35, ал екіншісінің 60 пайызын күйік шалғанын айтады. Қаза тапқан төрт жұмысшының отбасына кәсіпорын тарапынан 500 мың теңгеден өтемақы төленеді. Жарақат алғандар да назардан тыс қалмайды.
Еске салайық, кеше Ақтөбе хром қосындылары зауытында төтенше жағдай орын алып, 6 адам зардап шеккен еді. Жұмысшылар цехтағы 50 текше метрлік бөшкені тазалап жатқанда, қатты қысыммен ыстық бу атқылады деген мәлімет бар. Төртеуі сол жерде тіл тартпай кетті. Кәсіпорын басшылығы олардың қауіпсіздік талаптарын сақтағанына сенімді. Апаттың нақты себебін арнайы комиссия анықтайды.
Жақсыбек КЕМАЛ
