Вирус жұқтырған басқарма қызметкері балабақшаларды аралаған

Министр айтқандай, көбінде ауру белглері болмағандықтан, өздерінің вирусқа шалдыққанын білмей жатады. Дәл осылай, Батыс Қазақстан облысында қатерлі кеселді жұқтырғанын байқамаған Орал қалалық білім беру бөлімінің қызметкері Зачаганск кентіндегі балабақшаларды аралаған. Бөбекжайлар карантин режимі кезінде уақытша жабық тұрған. Мектепке дейінгі білім беру ұйымдарын қайта ашар алдында әдіскер нысандарға барып, дайындық барысын тексерген. Келесі күні ауырып жұмысқа шыға алмаған. Медициналық тексеріс нәтижесінде, маманның вирусқа шалдыққаны анықталды. Дереу Қалалық білім беру бөлімінің барлық маманы үй карантиніне алынған. Сондай-ақ шаһарда 2 балабақша қызметкерінен жұқпалы инфекция анықталды.

Рауан ДИӘЛИ