Қазақстанда алғаш рет COVID-19 жұқтырған науқасқа операция жасалды

Алматыда коронавирус жұқтырған науқасқа алғаш рет операция жасалды. 81 жастағы пациент қалалық клиникалық ауруханаға аяқ сүйегінің жабық жарақатымен түскен. Алайда, тексеру кезінде оның коронавирус инфекциясын жұқтырғаны анықталды. Жедел түрде орталық ауруханаға ауыстырылған қарияның өзге де сырқаттарының әсерінен жағдайы нашарлаған. Дәрігерлер науқасты бір апта бойы отаға дайындады. Барлық санитарлық-эпидемиологиялық талаптарды сақтай отырып жаслаған ота сәтті аяқталған.