Жаңалықтарды Telegram арнамыздан оқыңыз!Коронавирус бос сандырақ емес. Салғырттыққа салынуға болмайды. Бұл — қауіпті індетке шалдығып, сауығып шыққандардың сөзі. Түркістан облысында бүгінге дейін 332 адам короновируспен ауырып, соның 187 –і айығып шықты.
Бұл –Тәжібай Ешов. Ақ халаттыларға алғысын жаудырып жатыр. 15 күн бұрын жағдайы ауыр еді. Тынысы тарылып, өкпесі қабынып, Леңгірдегі инфекциялық ауруханадан бір-ақ шыққан. Дәрігерлердің қарқынды емі, қажырлы еңбегінің арқасында, короновирустан құлан таза айығып, енді міне, үйіне шыққалы жатыр.
Аурудың жақсысы жоқ. Бірақ, жер бетін шарпыған вирусқа қарсы қолданар вакцина да дайын емес. Сондықтан сабырлық пен сақтық танытудан басқа амал жоқ.
Гүлжазира ҒАЛИҚЫЗЫ
