Жамбыл облысында екі адамды пойыз қағып кетті

Жамбыл облысында екі адамды пойыз қағып кетіп, абайсызда ажал құшты. Қайғылы жағдай Бел станциясы маңында болған. Алматы- Ақтөбе бағытындағы жолаушылар пойызы екі ер адамды қағып кеткен. Ауыр жарақаттан оқиға орнында көз жұмған қос азамат темір жол мекемелерінің бірінде еңбек еткен. Қазір соталды сараптама тағайындалып, тергеп тексеру жұмыстары жүргізілуде.

Павлодар қаласында да ер адам тепловоздың астында қалып, қаза тапты. Оқиға орнына жедел жәрдем шұғыл жеткенмен, дәрігер құтқарып қала алмады. Адам өлімінің нақты себебі арнайы сараптамадан кейін белгілі болмақ.

Сәбит ӘЛДЕБАЙ, Болат АМАНБАЙ