Нұр-Сұлтанда 2021 жылғы Азия кубогінің іріктеу кезеңі өтеді

21 ақпан күні елордада 2021 жылы өтетін Азия кубогінің іріктеу турнирі басталады. Аталмыш доданың алғашқы айналымында Қазақстан құрамасы өз алаңында қос кездесу өткізеді.

Отандастарымыз Иордания, Палестина, Шри-Ланка сынды командалармен бір топта өнер көрсетеді.

Жарыстың бірінші күні жерлестеріміз Палестина баскетболшыларымен, содан кейін араға 3 күн салып иорданиялықтармен кездеседі.

Естеріңізге сала кетейік, бас жаттықтырушы Эмиль Райкович Қазақстан ұлттық құрамасының тізгінін былтыр ұстады. Ол өткен маусымда «Астана» баскетбол клубымен өте жақсы нәтиже көрсетіп, ВТБ лигасының үздік бапкері атанған еді.

Фото: sobitie.com.ua