Ұшақ апатынан зардап шеккендердің жағдайы қалай?

Ұшақ апатынан зардап шеккендердің сегізі ауыр халде жатыр. Бұл туралы Денсаулық сақтау вице-министрі Камалжан Надыров баспасөз мәслихатында мәлімдеді. 

Оның сөзінше, қазіргі уақытта 49 адам ауруханада. Жарақат алғандардың 9-ы - бала, оның екеуіне операция жасалған, жағдайлары бірқалыпты. 

Сондай-ақ вице-министр экипаж құрамындағы адамдардың да жағдайын айтып өтті. Олардың біреуі қайтыс болған, біреуі жансақтау бөліміне жеткізілген. 

Айта кетейік, оқиға орнына жедел жәрдем апат болғаннан кейін 15 минуттан соң жеткен. Барлығы 77 жедел жәрдем бригадасы жұмылдырылды. 

Фариза Мұсақызы