Мейіржан Әлібекұлы «Jambyl» телеарнасының директоры болып тағайындалды

Танымал тележурналист Мейіржан Әлібекұлы «Қазақстан» РТРК» АҚ Жамбыл облыстық филиалының директоры қызметіне тағайындалды.

Мейіржан Әлібекұлы 1984 жылы туған. Әл-Фараби атындағы ҚазҰУ-дың журналистика факультетінің түлегі. 

Алғашқы еңбек жолын «Atyraý» облыстық телеарнасынан бастады. Әр жылдары «Qazaqstan» Ұлттық телеарнасының Ақпараттық-сараптамалық бағдарламалар дирекциясында тілші-сарапшы, редактор-жүргізуші, Қазақстан Президентінің журналистік пул тілшісі, шеф-редактор, дирекция директорының орынбасары қызметтерін атқарды.

ҚР Президентінің БАҚ саласындағы сыйлығының иегері, ҚР Ақпарат саласының үздігі. «Халық сүйіктісі» ұлттық жүлдесінің лауреаты, «Нұр Сұңқар» байқауының жеңімпазы.