Кәсіпкерлер: «Бизнестің жол картасы-2020» көптеген күрмеулі мәселелерді шешуге мүмкіндік берді

Теріскейде соңғы 7 жылда Даму қоры арқылы  612  жоба қаржыландырылып, 48 миллиард теңге көлемінде субсидия бөлінді. Қазір де бизнес аясын кеңейту үшін түрлі бағдарламамалар арқылы жеңілдіктер ұсынылуда. Әсіресе «Бизнестің жол картасы-2020» көптеген күрмеулі мәселелерді шешуге мүмкіндік берді дейді кәсіпкерлер. Даму қоры  мемлекеттен қолдау тауып, өндіріс пен қызмет көрсету аясын кеңейткен нысандарға арнайы ақпараттық тур ұйымдастырды. Мақсат нақты қолдау тапқан кәсіпкерлерді көрсету арқылы басқа да іскер жандарды тарту, мемлекеттік бағдарламаларды түсіндіру. Қазірдің өзінде облыста жеңілдетілген несиемен қаражат алып кондитерлік және балық өнімдерін шығарып, ойын-сауық орталығын ашқан кәсіпкерлер көп.

С. СӘБИТҰЛЫ