Қазақстан Халық Кеңесі ұсыныстарды заңнамалық бастамаға айналдырады

Қазақстан Халық Кеңесіне түскен ұсыныстар заңнамалық бастамаға дейінгі бірнеше кезеңнен өтеді. Кеңес құрамындағы үш комитет өз бағыттары бойынша мәселелерді зерделеп, маңызды ұсыныстарды іріктейді. Одан әрі бастамалар комитет отырыстарында талқыланып, заң жобасын әзірлеуге негіз болады. Құжат Сессияда қаралып, қолдау тапқан жағдайда Құрылтайдың қарауына енгізіледі. Яғни, азаматтардың ұсынысы — талқылау мен сараптаудан өтіп, нақты заң жобасына ұласады.