Жаңалықтарды Telegram арнамыздан оқыңыз!Бұл туралы Оңтүстік Қазақстан облыстық орталық коммуникациялар қызметінде өткен брифингте облыстық мәдениет басқармасы басшысының орынбасары А.Темірхан мәлім етті.
Өңірдегі 8 кәсіби театрда 1 мың 940 спектакль сахналанып, оған 238 мың көрермен қамтылды. Нәтижесінде ақылы қызметтен 81 млн. теңгеден астам қаржы түсті. Ал Ш.Қалдаяқов атындағы облыстық филармония 181 концерт қойып, одан 22 млн. 381 мың теңге табыс тапқан. Балғындарға қуаныш сыйлаған «Оңтүстік-Цирк» ұжымы «Алақай-балақай» және «Таңғажайып керуен» атты бағдарламаларын 13 рет халыққа ұсынып 9 млн. 615 мың теңге көлемінде қаржы түсіріпті.
Сонымен қатар, «Түркістан» сарайында 35 мың 600 көрермен қатысқан 26 мәдени іс-шара мен концерттер өткізіліп, 8 млн. 750 мың теңгеге ақылы қызмет көрсетілді. «Елбасының «100 нақты қадам» - Қазақстан Республикасының дамыған мемлекеттердің отыздығына кіру жөніндегі жоспардың «Біртектілік пен бірлік» бөлімінің 86, 87, 88 қадамдарында мәдени рухани саланы дамыту көзделген.
Осы міндеттерді орындау мақсатында биылғы жылы мәдениет басқармасына 3 млрд. 429 млн. 820 мың теңге бағытталып, 11 айда қаржы 99,7 пайызға игерілген. Сондай-ақ, облыстық мәдениет және өнер мекемелері халыққа сапалы мәдени қызмет көрсету үшін олардың материалдық-техникалық базаларын нығайтуға 240 млн. 247 мың теңге қаржы бөлінді»,- деді басқарма басшысының орынбасары.
Темірханның айтуынша, осы бағыттағы жұмыстар жалғасын тауып, 2016 жылы халық шығармашылығын дамыту, жас таланттарға қолдау көрсету мақсатында өңірімізде алғаш рет «Мәңгілік ел» патриоттық әндер байқауы, түрлі өнер бағытында «Балдаурен» облыстық өнер байқауы, «Тәуелсіздік толғауы» атты жаңа пьесалардың байқауы өтпек.
Сонымен қатар, «Күй құдіреті» облыстық күйшілер, «Алтын сақа» балаларға арналған фильмдердің фестивалі, суретшілердің «Дархан далам» симпозиумы және «Жібек жолы айшықтары» атты ұлттық киім дизайнерлерінің облыстық байқау-көрмесі өткізіледі.
