31 мамырда «Астана Опера» театрында «Роден» балеті көпшілікке ұсынылмақ

31 мамырда «Астана Операда» «Роден» балеті көпшілік назарына ұсынылады. Ресейлік хореограф Борис Эйфманның, ХIХ-ХХ ғасырлардағы француз композиторлары шығармаларының музыкасына жазылған балетте ұлы француз мүсіншісі Огюст Роден мен оның шәкірті, ғашығы әрі музасы Камилла Клодельдің тағдырлары суреттеледі.

Балет алғаш рет 2011 жылы Санкт-Петербургтің Александрин театрында, одан кейін Мәскеудің Үлкен театр сахнасында қойылған.

Роден рөлін ҚР еңбек сіңірген қайраткері Тайыр Ғатауов, Жәнібек Иманқұлов, Камилланы Әйгерім Бекетаева, Розаны Әнел Рүстемова орындайды.