Алексей Панмен қоштасу рәсімі Алматыда өтеді

«Экспресс-К» республикалық басылымының бас директоры Алексей Пан 57 жасында мезгілсіз дүниеден өтті.

Ол ҚазМУ-дің журналистика факультетін тәмамдаған. «Огни Алатау» газетінің тілшісі, «Караван» газетіндегі жарнамалық қызметінде болған.  «Еуразиялық өнеркәсіп қауымдастығында» қоғаммен байланыс департаментін басқарған.  

2008 жылы «Экспресс-К» республикалық қоғамдық-саяси газетінің бас директоры қызметіне тағайындалды.  Алексей Пан – Қазақстанның Құрметті журналисі.

Айта кетейік, Үндістанда отбасымен демалып жатқан журналист суға батып бара жатқан балаларды жағаға алып шыққан. Алайда, қан қысымы салдарынан журналистің жүрегі тоқтап қалған.

Қоштасу рәсімі Алматыда өтеді.