Астанада «Жас саяхатшы-құтқарушылар» үйірмесі ашылды

Астанадағы Ж. Жабаев атындағы №4 мектеп-гимназиясында «Жас саяхатшылар станциясының» құрамына енген «Жас саяхатшы-құтқарушылар» үйірмесінің ашылу салтанаты өтті, деп хабарлайды елорданың баспасөз қызметі.

Мұнда 16 бағыттағы үйірме жұмыс істейді: таулы саяхат, құзға шығу, бағдарлау, судағы саяхат, альпинизм және саяхаттың басқа да түрлері. Жалпы станцияда 700-ден астам оқушы мен студент білім алып жүр.

Айта кетейік, қазіргі кезде станцияның көптеген түлектері құтқару қызметі жүйесінде қызмет етуде. Станцияда жас саяхатшыларға саяхаттың белсенді түрлерімен байланысты мамандықтар бойынша кадрлар дайындауға бағытталған кәсіби бағдарлау бойынша жұмыстар жүргізіледі.