Тәуелсіздік күніне орай Астана циркінде қайырымдылық қойылым көрсетіледі

16 желтоқсан күні сағат 12:00 Астана циркінде ҚР Тәуелсіздік күніне орай елорда тұрғындары мен қонақтарына қайырымдылық қойылымы көрсетіледі.

Аренада әуе гимнастшылары, «Батыр» атты-акробатикалық ансамблі, көңілді сайқымазақтар, шоу-балет, акробаттар мен басқа да әртістер өнер көрсетеді.

Қойылымды көпбалалы отбасылардан шыққан, қиын өмірлік жағдайға тап болған балаларға және мүмкіндігі шектеулі балалар тамашалайды.

Цирк әкімшілігі көп жылдан бері қойылымдарды тегін ұйымдастыруды қолға алған. Мұндай шаралар бірінші кезекте билет алуға қаржылық жағдайы мүмкіндік бермейтін отбасылар үшін өткізіледі.