«Жыл таңдауы» байқауында «Үздік бейнеролик» анықталды

«Қазақстан» РТРК» АҚ 2013/2014 телевизиялық маусымының жыл үздіктерін анықтады. «Жыл таңдауы» байқауында «Үздік бейнеролик» аталымы бойынша «Vito cinema» ЖШС директоры Жеңіс Тұматаев арнайы дипломмен марапатталды.

Шара барысында марапатты ҚР Парламенті Мәжілісінің депутаты Гүлмира Исинбаева табыстады.

Айта кетейік, «Жыл таңдауы» - отандық телеиндустрияның үздіктерін марапаттауға арналған алғашқы шара. Жеңімпаздар «TNS Central Asia» компаниясының зерттеуі негізінде анықталды.