Әлеуметтік желіде балағаттаған ақтөбелік айыппұл арқалады

Ақтөбе полициясы әлеуметтік желіде балағат сөз айтқан тұрғынды жауапқа тартты.

Тексеру барысында жазба авторы 32 жастағы Мөлдір Әуезова есімді әйел екені белгілі болды. Құқық қорғаушылар желіде жарияланған бейнематериалда оның анайы сөздер айтып, кішігірім бұзақылық жасағанын және кәмелетке толмаған балалар тәрбиесіне бей-жай қарағанын анықтады. Анасының тікелей эфирде не істеп, не айтып отырғанын қызы да көріп отырған. Теріс әрекетін тоқтатуын сұрап пікір де жазған. Аталған факті бойынша Мөлдір Әуезова әкімшілік жауапкершілікке тартылды. Оған сот шешімімен 20 айлық есептік көрсеткіш көлемінде айыппұл салынды.