Си Цзиньпин Үндістанға сапарлауы мүмкін

Жақында Қытай төрағасы Си Цзиньпин жеті жылдан соң алғаш рет Үндістан астанасы Нью-Делиге сапар шегеді. Кейбір бақылаушылардың ойынша, бұл оқиға Азияның екі алып державасы арасындағы дипломатиялық қатынастарды жақсарта түскенімен, іскерлік байланыстарды өркендетуі екіталай. Болжамдарға қарағанда, Халықтық Республика басшысы көрші елге осы апта соңында БРИКС саммитіне қатысу үшін аттанбақ. Алайда Си Цзиньпиннің үнді премьер-министрі Нарендра Модимен кездесетінін растайтын ақпарат әзірге жоқ.

Айта кетсек, Қытай мен Үндістан 1962 жылы қысқа уақыт соғысқаны белгілі. Ал 2020 жылы екі жақтың армиясы қақтығысқанда 20 үндістандық, 4 қытайлық жауынгер мерт болды. Дегенмен былтыр Моди Қытайға барғалы тараптардың қатынастары біршама жақсарып келеді.