4G қызметі Қазақстанның барлық аудан орталықтарында пайда болады

2018 жылдың 1 қаңтарына дейін 4G қызметі Қазақстанның барлық аудан орталықтарында пайда болады, деп хабарлайды «Қазақтелеком» АҚ.

2012-2013 жылдары компания республиканың алты облыс орталығын: Қарағанды, Шымкент, Өскемен, Ақтау, Ақтөбе, Атырау, сондай-ақ Астана, Алматы және қала маңындағы жерлерді қамтамасыз етті.

Қазіргі уақытта  4G қызметімен 200 елді мекен қамтылған. Мұндағы тұрғындар саны 10,6 миллион адамды құрайды.

 «Ағымдағы жыл соңына дейін 2,5 мыңнан аса базалық станцияларды пайдалануға енгізу жоспарланып отыр. 2017 жылға дейінгі аралықта тағы 142 аудан орталығын қамтуды жоспарлап отырмыз», дейді «Қазақтелеком» АҚ Басқарма төрағасы Қуанышбек Есекеев.