Душанбеде «Қазақ жерінің перзенті» атты кітаптың тұсаукесері өтті

Душанбе қаласында Тәжікстан суретшілер академиясының академигі, белгілі жазушы, аудармашы Абдуғаффор Абдужабборовтың  «Қазақ жерінің перзенті» атты кітабының тұсаукесері өтті.

Тәжік тілінде жазылған туынды аты аңызға айналған театр және кино актері, Қазақстанның Халық әртісі Асанәлі Әшімовтің өмірі мен шығармашылығына арналған.

Шараға  Тәжікстанның  Мәдениет министрі Шамсиддин Омурбекзода, Қазақстан Республикасының Тәжікстан Республикасындағы Төтенше және өкілетті Елшісі Ағыбай Смағұлов, Тәжікстан Халық жазушысы, Мемлекеттік сыйлықтың лауреаты Саттор Турсун қатысып, сөз сөйледі.

Олар екі мемлекет арасындағы халықтар достығын нығайтуда мәдени байланыстардың орны ерекше екенін атап өтті.