Қазақстанда жыл сайын 80 мың жасанды түсік жасалады

Бұл туралы ҚР Президенті жанындағы Орталық коммуникациялар қызметінің брифингінде ҚР Денсаулық сақтау және әлеуметтік даму министрлігінің республикалық үйлестірушісі Гүл Омарова айтты, деп хабарлайды ҚазАқпарат.

«Бедеулік - бірқатар отбасылық жұп үшін қасірет. Бала тууға қабілетсіз біздің еліміздегі жұптардың саны 15-16 пайызды құрайды. Бедеуліктің әрбір бесіншісіне жасанды түсік жасау себеп болып отыр», - деді ол.

Оның сөзіне қарағанда, соңғы он жылдың ішінде республикада жасанды түсік жасау үш есеге төмендеген. Дегенмен, Еуропа елдерімен салыстырғанда бұл көрсеткіш әлі де жоғары.

Сурет: www.m-astana.kz