«Алтын қалам» әдеби байқауының жеңімпаздары марапатталды

Республикалық «Алтын қалам» тәуелсіз әдеби байқауы  мәресiне жеттi.

«Жылдың ең үздік поэзиясы» аталымы бойынша «Жол» өлеңімен Оразбек Сапархан жеңімпаз атанса, «Жылдың ең үздік прозасы» аталымы бойынша «Мұңлық» әңгімесімен Сәкен Сыбанбай марапатталды.

«Жылдың ең үздік драматургиясы» аталымы бойынша «Завещание Ибрая» шығармасымен Ақылбек Шаяхмет, «Жылдың ең үздік балалар шығармасы» аталымы бойынша «Киіз үй» туындысымен Ботакөз Жалмағанбетова үздік  танылды.

«Қазақ әдебиетіне қосқан елеулі еңбегі үшін» аталымы бойынша жүлдені ақын Есенғали Раушанов иеленді, деп хабарлайды  Әдебиет порталы.

 «Алтын қалам» әдеби байқауы 2010 жылдың мамыр айынан бері өткізіліп келеді. Байқаудың негiзгi мақсаты - рухани-мәдени құндылықтарды дамыту.