Ақтөбеде «Шаңырақ» күнінде босанған аналарға бесік сыйлады

Наурызнама онкүндігінің төртінші күні «Шаңырақ» мерекесі еліміздің түпкір-түпкірінде кеңінен тойланып жатыр.

Бұл күні Ақтөбе қаласында дүниеге келген сәбилерге бесік сыйлады. Отбасылық құндылықтар ұлықталып, ұрпақтар сабақтастығын дәріптейтін шарада жас босанған 11 анаға шаһар басшылығы құрмет көрсетті. Оларға жиналмалы бесікпен қоса оның жабдықтары да тарту етілді. Үлкендер бесіктің пайдасын, бесік жыры мен ана әлдиінің құдіреті туралы айтты.

Мөлдір Есалина, Ақтөбе тұрғыны:

Төртінші баламды дүниеге әкеліп тұрмын. Қасиетті рамазан айында, осы ораза айында. Үш қыздан кейінгі ер бала, көптен күткен. Үш баламды да бесікке бөлеп келдім, рахмет көп-көп!