21 мыңнан аса азамат әскер қатарын толықтырмақ

Елімізде 21 мыңнан аса азамат әскер қатарын толықтырмақ. Мемлекет басшысы 2026 жылдың наурыз-маусымында және қыркүйек-желтоқсанында мерзімді әскери қызметке кезекті шақыру туралы Жарлыққа қол қойды. Онымен қоса әскери қызметтің белгіленген уақытын өткерген мерзімді әскери қызметтегі қызметкерлер запасқа шығарылады. 30 маусымға дейін 18 және 27 жас аралығындағы жастар SMS-хабарлама және eGov порталындағы хабарландыру арқылы әскер қатарына шақырылмақ. Қорғаныс министрлігі әскери есепке алу процесін автоматтандырып, «Smart военкомат» жобасын жүзеге асырып келеді.