Республикалық референдум басталды

Бүгін тәуелсіз Қазақстанның саяси өмірінде тарихи күн. Барлық өңірде Конституцияның жаңа жобасы бойынша республикалық референдум басталды. Осыдан бірер минут бұрын ашылған дауыс беру учаскелері кешкі 8-ге дейін жұмыс істейді. Бюллетенде бір сұрақ екі жауап бар. «Жобасы 2026 жылғы 12 ақпанда бұқаралық ақпарат құралдарында жарияланды. Қазақстан Республикасының жаңа Конституциясын қабылдайсыз ба?» деген сұрақ қойылады. Ал төменгі тұсында «Иә, қабылдаймын» және «Жоқ, қабылдамаймын» деген жауаптар бар. Әр азамат тек бір нұсқаны белгілеп, өз таңдауын арнайы кабинада жасайды.