Президенттен сыйлық алған оқушы үздік университетке түсті

Халықаралық білім сайыстарында бірқатар жүлдеге іліккен оқушы Нұргүл Егенбергенова АҚШ-тағы MIT университетіне оқуға қабылданды. Массачусетс технологиялық институты  әлемдік білім беру рейтингінде көш бастап тұрған ең беделді оқу орны. Нұргүл бұған дейін де білім мен ғылым саласындағы ерен еңбегі үшін мемлекет деңгейінде жоғары бағаланған еді. Ол Мемлекет басшысы Қасым-Жомарт Тоқаевтың жеке қабылдауында болып, Мемлекет басшысының қолынан арнайы сыйақы сертификатын иеленген.

Нұргүл Егенбергенова, «Nurorda» мектеп-лицейінің оқушысы:

Негізі қобалжуым кеткен жоқ. Әлі сенбей тұрмын. Осы мүмкіндікті барынша қолданғым келеді. Менің ұзақмерзімді жоспарым, жай ғана физиканы оқып қана қоймай, оған негізделген фудаменталды заңдар мен феномендер арқылы құрлығылар технологиялар жасау және сол құрылғылар арқылы адамдардың өмірін жақсартатын мүмкіндіктер ашу.