Астанада жаңа автопарктың құрылысы қыркүйек айында басталады

Ағымдағы жылдың соңында елордада жаңа коммуналды автобус паркі пайда болады.

Бұл туралы Жолаушылар көлігі және автомобиль жолдары басқармасына сілтеме жасап, қалалық әкімдіктің баспасөз қызметі хабарлайды.  

Қазір инженерлік желілерді жүргізу үшін қаланың коммуналдық қызметтерінен қажетті техникалық талаптар алынған. Жоба мемлекеттік сараптамадан өтуде.

Сондай-ақ, қыркүйек, қазан айларында 150 және 200 автобусқа арналған тағы екі автобус паркінің құрылысы басталады. Олар пайдалануға 2015 жылдың шілде-тамыз айларында беріледі.