Равшан Ирматов төрешілер арасында рекорд жаңартты

Футболдан Әлем чемпионатының 1/4 финалындағы Нидерланд мен Коста-Рика арасындағы ойынға төрелік еткен өзбекстандық арбитр Равшан Ирматов әлем біріншілігінің тарихында төрешілер арасында рекорд орнатты.

Бұл - Равшан Ирматов үшін Бразилияда өтіп жатқан мундиальдағы төртінші ойын. Бұған дейін, өзбекстандық төреші Швейцария - Эквадор, Хорватия - Мексика, АҚШ – Германия ойындарына төрелік етті.

Ал 2010 жылы Оңтүстік Африка Республикасында өткен Равшан Ирматовқа бес ойын сеніп тапсырылған еді. Оның ішінде жартылай финалдағы Нидерланд мен Уругвай матчы болды. Бұл арқылы, ол футболдан Әлем чемпионатында ең көп ойынға төрелік еткен арбитр атанды.