Елімізде иммунитет тапшылығы вирусына шалдыққан 8000 сырқат бар

Бұл туралы Қазақстан иммунологтарының 1-съезінде мәлімделді. Дәрігерлердің айтуынша, иммунитет тапшылығына халық көбіне немқұрайлы қарайды не ол жайында біле бермейді. «Өйткені, бұл вирус жұқпалы, қауіпті аурулармен қатар келгендіктен, анықтау қиынға түседі. Сондықтан, иммунитет тапшылығын болдырмай, адамның басқа сырқаттарға шалдықпауы үшін скрининг жасатқан дұрыс», - дейді ақ халаттылар.

Айта кетейік, ғылыми конференцияға Венгрия, Ресей, Беларусь елінен келген ғалымдар да қатысты. Жиында иммунология саласына, аталмыш вирустың адам денсаулығы үшін қаншалықты қауіпті екенін халыққа жеткізу маңызды екені атап өтілді.

Альбина ӘШІМ