Жалған диплом жарға жығады

Алматы облысында 2018 жылы жалған дипломмен жұмыс істеген 5 жағдай анықталды. Кейбірінде тіпті жоғары оқу орындарында реестрде жоқ мамандық бойынша диплом болған. Қазіргі таңда бұл фактілер ішкі істер органдарына тапсырылды.

Сондай-ақ, ғаламторда дайын дипломдық жұмыс сату, сатып алу және көшіру де жемқорлыққа жатады. Осындай олқылықтардың алдын алу үшін Талдықорғанда «Жалған диплом жемқорлыққа жол ашады» тақырыбында басқосу өтті. Мемлекеттік қызмет істері және сыбайлас жемқорлыққа қарсы іс-қимыл агенттігі Алматы облыстық департаменті мамандарының айтуынша, елімізде диплом жазып беруге дайын 80-нен астам сайт жұмыс істеп тұр. Және қызметі үшін ашық түрде 100 мың теңгеден жоғары ақы сұрайтындары белгілі болды.