Мемлекеттік грант иегерлерінің тізімі жарияланды

Биыл «Бес әлеуметтік бастама» аясында гранттар саны 20 мыңға ұлғайды. Оның 11 мыңы техникалық мамандықтарға, атап айтқанда, ақпараттық технологиялар, робототехника және нано-технологиялар саласындағы мамандарды даярлауға бағытталды. 5 мыңы - еңбек нарығына қажет өзге де мамандықтарға, 3 мыңы - магистрлерді, 1 мыңы PhD докторларын даярлауға бөлінді. Осылайша, жоғары білім алу үшін білім гранттарының саны 53 594 грантқа дейін жетті. Қорыта айтқанда, 24 737 грант - техникалық ғылымдар және технологиялар мамандықтарына,  9 499-ы - педагогикалық, 2 785-і - ауыл шаруашылығы және ветеринария, 2 700 – медицина, 1 450 - гуманитарлық ғылымдарға және тағы да басқа әлеуметтік мамандықтарға бағытталған.

Ардақ МҰРАТҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.