«ЭКСПО» көрмесінің арқасында туроператорлар қызметіне сұраныс артқан

«ЭКСПО»-ның арқасында еліміздің туризм саласы жандана түсіп, туроператорлардың қызметіне сұраныс 1,8 есеге артыпты. Көрме шағын және орта бизнеске де оң әсерін тигізген. 1400-ден астам кәсіпорын 640 млрд. теңгенің тауарын тасымалдап, қызмет көрсетуге тапсырыс алған. «ЭКСПО» аяқталысымен ұйымдастырылып отырған конференцияда көрменің алғашқы қорытындылары шығарылды. Жиында бас қосқан сарапшылар елімізде «жасыл» энергияны жетілдірудің амалдарын қарастырды. Қазақстан қазіргі таңда мұнай-газ энергиясын пайдаланады. Баламалы энергия көздері тек бір пайызды құрап отыр. Ал, 2050 жылға дейін оны 50 пайызға жеткізу көзделген.

Альбина ӘШІМ