«ЭКСПО-2017»: Лесото Корольдігінің ұлттық күні

Экспо қалашығында Африка елі Лесото Корольдігінің ұлттық күні тойланды. «Аспан асты патшалығы» аталатын шағын ғана мемлекеттің дүниежүзіне алмас өндірумен аты шыққан. Бұл елдің оңтүстігіндегі корольдік дүниежүзі бойынша асыл тас өндіруден тоғызыншы орында келеді. Екі милионға жуық халқы бар лесотолықтар «болашақ энергиясын» игеруден де құралақан емес. Теңіз деңгейінен 1400 метр биікте орналасқан елді мекендерге қажетті энергияның 65 пайызы баламалы қуат көздерінен алынады.

«Сондықтан ЭКСПО көрмесіне келу біз үшін маңызды», - дейді корольдік өкілдері. Ұлттық күн мерекесінде туы көтеріліп, әнұраны шырқалған шағын ел қонақтарға мәдениеті мен тұрмыс-салтынан сыр шертетін бағдарламасын ұсынды.

Сәбит ӘЛДЕБАЙ