«ЭКСПО-2017» алаңында құрылыс материалдарын шашып, қаржыны желге ұшырды деген ақпарға ресми жауап берілді

«ЭКСПО-2017» көрмесінің ашылуына бір айдан аз уақыт қалғанда шу шықты. «Басты нысанның аймағында құрылыс кезінде олқылықтар жіберіліп жатыр» деген сарындағы ақпараттар әлеуметтік желілер арқылы көпшілікке тарады. Даудың басы болған бейнетүсірілімге қатысты халықаралық көрменің өкілдері журналистерге түсініктеме берді.

Бейнетүсірілім авторының сөзінен-ақ оның кездейсоқ адам емес екені түсінікті. Соманың нақты санын сенімді айтып тұр. Содан болар, көпшілік көп ұзамай әлеуметтік желілерде шу шығарды. Алайда, бұл нысанға жауапты «Сембол» компаниясы видео авторының сөздерін жоққа шығарды. Бұл материалдар шарасыздықтан жыртықты жамау үшін емес, арнайы төселіп жатқанын жеткізді.

Альбина ӘШІМ