Солтүстік Қазақстан облысында ауыл шаруашылығы жаңа үрдіспен дамуда

Қазақстанның Еңбек Ері Геннадий Зенченко басшылық ететін ірі агроқұрылым ауыл шаруашылығының барлық саласын қамтиды. Яғни, дақылдардың барлық түрін өсіреді.

Қазіргі уақытта батыр әкенің жолын ұлы Геннадий мен немересі Иван жалғастыруда. 2007 жылы құрылған кешенде 7 мыңға жуық ірі қар мал бар.

Мал шаруашылығы кластерін құрған кәсіпорын мемлекеттен зор қолдауға ие болып, істері өрге басты. Шаруашылықта 1 мыңға жуық адам еңбек етеді.

Биыл ауа райының қолайсыздығына қарамастан өңірде 5 миллион тоннадан астам астық орылды. Гектар берекелілігі – 16 центнер.

Бұл жетістіктердің барлығы да мемлекеттің қолдауының арқасы, дейді сала мамандары. 

Сағындық СӘБИТҰЛЫ