«Таза Қазақстан» road-эстафетасы басталды

Бүгін «Таза Қазақстан» Road-эстафетасы басталды. Экологиялық акцияны  «Adilet» партиясының «Жастар Рухы» жастар қанаты ұйымдастырып отыр. Шара аясында Ақмола облысынан бастап Шығыс Қазақстанға дейінгі 1800 шақырымға жуық жол тазартылады.  Жиналған қалдықтар арнайы полигондарға жеткізіледі. Ұйымдастырушылар ортақ іске бес мыңнан астам тұрғынды жұмылдыруды көздеп отыр.

Ержан Хамитов, «Adilet» партиясы жанындағы «Жастар рухы» ЖҚ төрағасының м.а.:

Еріктілерімізге қазір арнайы қаптар берілді. Ол жерде әйнектерді жеке, қағаздарды жеке жинайтын белгілер көрсетілген. Қазіргі таңда біз 4 өңірді қамтимыз, 10 аудан, 59 ауыл және 5 мыңнан астам халықты тікелей қамту жоспарымызда бар.