Байқоңырдағы 6 мектеп пен 1 балабақша толықтай Қазақстанның білім стандартына көшеді

ЕЭО-ның ортақ бюджеті 6 миллиард 638 миллион рубль болады. Бұл туралы да Мәскеуде өткен Еуразиялық экономикалық комиссия Кеңесінің отырысында Үкімет басшысының бірінші орынбасары Бақытжан Сағынтаев мәлімдеді.

Жиында Қырғыз Республикасының болашақ одаққа қосылуы да талқыланып, «тараптар бұл жолда еш кедергі жоқ», деді.

Енді осы және өзге де мәселелерді мемлекет басшылары, 23 желтоқсан күні Мәскеуде түпкілікті бекітуі тиіс.

Сонымен қатар, Бақытжан Сағынтаев Мәскеуде Ресей Премьер-министрінің орынбасары Дмитрий Рогозинмен кездесіп, Байқоңырға қатысты маңызды мәселелер бойынша мәмілеге келді.

Мәселен, алдағы уақытта Байқоңырдағы 6 мектеп пен 1 балабақша толықтай Қазақстанның білім стандартымен жұмыс істейтін болды.

Нұртас СОЛТАНҰЛЫ