Мигранттар кемесінің Италия жағалауына тоқтауына рұқсат берілмей жатыр

Жерорта теңізінде 100-ге жуық мигрант мінген кеме 19 күннен бері қайда тоқтарын білмей жүр. Ол — қазір Италияның Лампедуза аралының маңында. Бүгін 10 мигрант суға секіріп кетіп, жағалауға жетпек болды. Оларға құтқарушылар қайығын жіберуге тура келді.

Қайырымдылық ұйымдарының айтуынша, африкалық босқындар тақтайдың үстінде ұйықтауға мәжбүр. Олардың ішінде ауруға шалдыққандар мен өз-өздеріне қол жұмсағысы келетіндер бар.

Италия үкіметі болса, жекеменшік су көлігімен келгендерді елге кіргізбейтінін ескертіп, қайырымдылық ұйымдарын адам саудагерлерінің «таксиіне» айналды деп айыптап отыр.

Арыстан РЫСБЕК