Жаңалықтарды Telegram арнамыздан оқыңыз!Румынияда екі оқушы қыздың өліміне байланысты ондаған адам шеруге шығып, үкіметтің әрекетсіздігіне наразылық білдірді. Шерушілер "полицейлердің дәрменсіздігі адам өлтірумен тең" деп ұрандатып, билікті қоғамның әлжуаз топтарын қауіптен қорғай алмайды деп айыптады. Румыния президенті болса, елді дүрліктірген қылмыс үшін министрлер кабинеті де жауапты деп мәлімдеді. 15-жасар Александра өзінің ұрланғанын және қайда отырғанын төтенше жағдай қызметіне үш рет хабарлаған. Алайда полиция ол жерге 19 сағат өткенде, яғни Александра зорланып, өлтірілгеннен кейін ғана жеткен. Осы іске байланысты 66 жастағы азамат тұтқындалды. Ол биыл сәуірде Луизия есімді 18-жасар қызды да өлтіргенін мойындапты. 
Арыстан РЫСБЕК
