Гонконгты үлкен саяси дағдарысқа ұрындырған заң «өлді»

Мұны бүгін осы арнайы әкімшілік ауданның лидері Кэрри Лам мәдімдеді. Оның сөзінше, жергілікті үкіметтің бұл ережемен жұмысы толықтай сәтсіздікке ұшырады. «Кейбіреулер биліктің шешіміне күмән келтіріп отыр. Алайда, қайталап айтамын, бізде ол заңды қабылдайтын жоспар мүлде жоқ», - дейді Гонконг басшысы. Айта кетсек, даулы заң қабылданып кеткенде, айыпты деп танылған гонконгтіктер Қытайға жіберілер еді. Бұған ашынған миллиондаған адам бірнеше апта бойы наразылық шеруіне шығып, жаңа ережені толық жоюды талап етті. Ұлыбритания Гонконгті Қытайға 1997 жылы қайтарды. Сол кезде қабылданған «бір мемлекет, екі жүйе» шарты бойынша Гонконг Бейжіңнің қол астында болғанымен, өз заңдарымен өмір сүруі тиіс.

Арыстан РЫСБЕК