Туристер Грузияға баруға салынған тыйымды бұзуға дайын екендіктерін жеткізді

Өткен тәулікте ресейлік туристер Грузия астанасына соңғы рет ұшты. Себебі бүгіннен бастап Мәскеу жариялаған санкция өз күшіне еніп, Тбилисиге билет сату доғарылды. Дегенмен саяхатшылар бұл тыйымды бұзып, Грузия курорттарына бәрібір өзге жолмен баратындарын айтып отыр. Екі мемлекет қатынастарының тіпті нашарлауына өткен айда ресейлік депутаттың грузин парламенті спикерінің орнына жайғасуы себепші. Сол оқиғадан кейін Тбилисиде сан мың адам шеруге шығып, Ресейге қарсылық білдірді. Ал Мәскеу бұл наразылық акциясына жауап ретінде Грузияға авиациялық рейс аттандыруды доғарып отыр.

Арыстан РЫСБЕК