Малайзия соты «Уолл стрит қасқырлары» фильмінің продюсеріне айып тақты

Риза Әзиз заңсыз жолмен ақша аудару ісіне қатысты бес бап бойынша кінәлі болып танылды. Ол өгей әкесі құрған Малайзия даму банкінен 248 миллион долларды жымқырып, оны Голливудта үш фильм түсіруге жұмсаса керек. Мұны америкалық тергеушілер мәлімдеп отыр. Ризаның өзі болса, тағылған бес айыптың біреуін де мойындамады. Егер қылмысы дәлелденсе ол әр бап бойынша бес жылға сотталады немесе 1,21 миллион доллар айыппұл төлейді.

Малайзияның бұрынғы үкімет басшысы Наджибке 42 бап бойынша айып тағылды. Ол төрт жарым миллиард доллар ұрлады деген күдік бар. Алайда, экс-премьер мемлекет қаржысына қол салды деген ақпаратты үнемі жоққа шығарып келеді.

Арыстан РЫСБЕК