Үндістанда муссон жаңбыры маусымы жалғасып жатыр

Соның салдарынан елдің қаржылық астанасы - Мумбайда үйлердің қабырғасы құлап, 27 адам мерт болды.

Бұл оңтүстіказиялық мемлекетте жаңбырлар кезеңі маусымда басталып, қыркүйекте аяқталады. Осы уақыт ішінде іргетесі осал ғимараттар мен үйлер опырылып түседі. Биыл құлаған нысандардың ішінде қала шетіндегі кедейлердің лашықтары көп.

Синоптиктердің мәліметінше, соңғы 24 сағатта Мумбайдың кейбір аудандарына 300 миллиметр жауын түсіп, миллиондаған адамды жұмысқа апаратын қоғамдық көлік тоқтаған.

Арыстан РЫСБЕК