Грузия астанасы Тбилисиде ресейлік депутаттың елге келуіне қарсы шеру полициямен қақтығысқа ұласты

Соңғы мәліметке қарағанда, кемінде 70 адам жараланған.

Демонстранттар парламентке штурммен басып кірмек болды. Оларды тарату үшін полицейлер газ қаруын, резина оқ ататын мылтық және су шашатын машиналарды қолданды. Ал, шерушілер тәртіп сақшыларына шөлмектер лақтырып қарсылық көрсеткен.

Қақтығысқа Ресей Мемлекеттік думасының депутаты Сергей Гавриловтың Православия парламентаралық ассамблеясының 26-шы сессиясында грузин парламенті спикерінің орнына жайғасуы себепші. Осы жайт белгілі болғаннан кейін оппозиция өз жақтастарын наразылық акциясына шақырған.

Арыстан РЫСБЕК