Жаңалықтарды Telegram арнамыздан оқыңыз!Мұны Біріккен Ұлттар Ұйымы Бас хатшысының орынбасары Марк Лоукок мәлімдеді. Оның есебінше, қуаңшылықтан мал қырылып, егістік алқаптары қурап қалғандықтан, күздің басында Сомали тұрғындарына 700 миллион доллар көмек қажет болады. Ал бүгінде ауызсуға, азық-түлікке небәрі 45 миллион доллар ғана жиналған.
Елдің 15 миллион тұрғынының 3 миллионы қазірдің өзінде аштыққа душар болып отыр. Олардың көбі жәрдем берілмесе, қырғынға ұшырайды деген қауіп күшейіп келеді. Біріккен Ұлттар Ұйымы келтірген өзге мәліметке қарағанда, Сомали соңғы 35 жылда болмаған үлкен қуаңшылыққа тап болған. Және де осындай жағдай Кения мен Эфиопияның бір бөлігінде де қалыптасып отыр.
Арыстан РЫСБЕК
