Судандағы шеруді тарату кезінде 60 адам қаза тапты

Суданда демонстранттарды күшпен тарату кезінде қаза тапқандар саны 60-қа жетті. Сәуірде Омар әл-Башир режимі құлатылғаннан кейін басшылық тізгінін өз қолына алған Өтпелі әскери кеңестің жауынгерлері шерушілерге оқ жаудырған. Одан жараланған талай адам қазір госпитальдерде жатыр. Оппозиция армия үкіметтен кеткенше, манифестацияларды тоқтатпайтынын ескертіп отыр.

Әскери кеңестің төрағасы, генерал-лейтенант Әбдел Фаттах әл-Бурхан кеше оппозициямен жасалған барлық келісімдерден бас тартқан-ды. Бүгін ол елді демократияға көшіру туралы келіссөздердіжалғастыруды ұсынды. Әл-Бурхан мұндай мәлімдемені құрбандар саны көбейгенде жасап отыр.

Арыстан РЫСБЕК